Россия раҳбари Владимир Путин Эрон президенти ва Исроил бош вазирига телефон қилди. 

 Путин ва Исроил бош вазири Бинямин Нетаняху ўртасидаги суҳбатда “музокаралар жараёнига қайтиш ва Эрон ядро дастури билан боғлиқ барча масалаларни фақат сиёсий ва дипломатик йўллар билан ҳал қилиш муҳимлиги таъкидланди”, — дея хабар беради Кремл. Путин, шунингдек, “қарама-қаршиликнинг янада кучайишига йўл қўймаслик учун воситачилик хизматларини кўрсатишга” тайёрлигини билдирди.

Эрон президенти Масуд Пезешкиён билан суҳбатда Путин Исроилнинг зарбалари натижасида кўплаб инсонлар, жумладан, тинч аҳоли вакиллари қурбон бўлгани муносабати билан Эрон Ислом Республикаси раҳбарияти ва халқига ҳамдардлик билдирган. 

Путин шунингдек, “Россия Исроилнинг БМТ Низоми ва халқаро ҳуқуқни бузган ҳолда қилган ҳаракатларини қоралашини” таъкидлади. 

 Россия ва Эрон ўртасидаги муносабатлар, айниқса, Украинага кенг кўламли босқин бошланганидан бери, Теҳрон Москва учун муҳим қурол, биринчи навбатда, жанговар учувчисиз самолётлар етказиб берувчига айланганидан бери яқинроқ аҳамият касб этди. Айни пайтда Россия Ғарбнинг унга қарши санкцияларига қўшилмасликка қарор қилган Исроил билан нисбатан конструктив муносабатларни сақлаб турибди.