Уйқусизликни енгишнинг осон йўли топилди
Американинг Жон Ҳопкинс университети олимлари уйқуни яхшилашнинг қулай усулини маълум қилишди — ундан ҳар бир киши фойдаланиш имкониятига эга.
Huffington Post ёзишича, олимлар уйқусизликдан азият чекувчи 1,3 мингдан ортиқ одам иштирок этган 22 та тадқиқот натижаларини таҳлил қилиб, уйқусизликни енгишда нафақат когнитив-хулқ-атвор муолажаси, балки жисмоний машқлар ҳам ёрдам беришини аниқладилар.
«Кўриб чиқилган усуллар орасида йога, тайчи, пиёда юриш ва югуриш айниқса самарали», — дейилади хабарда.
Уйқусизликка чалинганлар учун жисмоний машқларнинг энг фойдалиси — йога. Одатдагидан ярим соат эртароқ ва икки соат кўпроқ ухлаш учун кечки пайт атиги 30 дақиқа жисмоний машқлар (масалан, кечки сайр)га ажратилса кифоя.
Мутахассисларнинг фикрича, жисмоний фаолият эндорфин ишлаб чиқаришни рағбатлантиради ва тана ҳароратини вақтинча оширади, натижада тана бўшашиб, ухлаш осонлашади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter