9 декабрь куни 65 ёшида вафот этган Паоло Россининг дафн маросими пайтида уйига ўғри тушди. Футболчи Италия терма жамоаси сафида 1982 йилги жаҳон чемпиони ғолиблиги ва «Олтин тўп»ни қўлга киритган, деб хабар берди «Football Italia».

Номаълум кимсалар футболчининг шахсий буюмлари, жумладан, қимматбаҳо соатларини ўғирлаб кетишган. «Ansa»нинг хабарига кўра, Россининг рафиқаси дафн маросимидан қайтиб келгандан кейингина буюмлар йўқолганлигини аниқлаган. Полиция тергов ҳаракатларини олиб бормоқда.

Россининг дафн маросимида минглаб италияликлар иштирок этишди. Тобут аввал Вишенсадаги «Ромео Менти» стадионида бўлган, кейин эса Дуомо ди Виченца черковига олиб борилган.

World Soccer талқинига кўра, италиялик футболчи ХХ асрнинг энг буюк футболчилари сирасига киради. Росси Италия терма жамоаси сафида жами 48 та ўйинда майдонга тушиб, 20 та гол уришга муваффақ бўлган. Шунингдек, у «Ювентус», «Комо», «Виченцу», «Перужи», «Милан» ва «Верона»да ўйнаган. «Ювентус» таркибида Росси икки марта Италия чемпиони бўлган, шунингдек, Европа чемпионлар кубогида ғалаба қозонган.